ایشیتمیشم زنگه وارون عادتلرین انه سین
چرشنبده بایرام گونی بالغ پلو مزه سین
قووراردی آنام بیزه قورغا نخود ساج اوسته
باغلامادان گوتورردوغ لباس لارون تزه سین
سحرسحرتزد ن هامی دورادی اوز یرینن
فارو کولک چرشنبده بولاغلارون گوزینن
آخاردی بوزلو سو کندین چایینده یا بولاغدا
یواردی اللرین اوزین آخان سرین سوینن
یانور هله بیزیم ایلون چراغی
چین چیندور تک بولاغون ایاغی
بیرجه تانری اولوب ایلون دایاغی
کاروان گیدن یولاری اوت باسبدی
اللشسده بیزیم ایللر کاسبدی
بیزیم ایللر هر گون سحراویاغدی
وطن سوزی ئورکلرده دایاغدی
قوجالیبدی قوروغ نووا اوش تپه
هر کیم سنه بش اون گونه قوناغدی
چرشنبه ده انوش یوسوب ساهاتخان
امیرخانان حسی احمد قهرمان
ایوآلتینده آتاردیلر شارآغاجین گویلره
صداسیندن شرحه سالوب اوت آغاجدا چوللره
رسمیدی بایر ام چخمامیش کتده کتولرده
شانلینگ گرک قورولماسون محلده
واردی اولن او ایللری طایفه میزده فامیلده
منده دوزدوم شارآتمادیم او ایلده
همیاشلولر آتاردی من باخاردیم
آغلیاردیم نفتنن هیسه باتاردیم
اوشاغیدوغ انامازدوغ اولوم نه دور توی ندور
یواشجله اوه گلیب گزلینجه تز یاتاردیم
بایرامی گونی شانلیگ اولسون توی اولسون
چرشنبه ده اغاج لرده شار اولسون آتماغ اولسون
بازدید امروز: 3
بازدید دیروز: 15
کل بازدیدها: 108180